- Web
- Blogs
- Wiki
- Llistes de corréu
- Descargues
- Foros
- Grupos llocales
Softastur ye una comunidá virtual enfotada en tornar Software Llibre al asturianu, promoviendo y sofitando'l so usu en tolos ámbitos de la sociedá.
Xunimos esfuercios y coordinamos los proyeutos, apurriendo aida y sofitu téunicu.
Tamos abiertos a toles persones que quieran collaborar col proyeutu. Si quies aidar, ye perfácil, llei esta guía de cómo tornar.
Ye software que puede emplegase, copiase, estudiase, camudase y redistribuyise llegalmente ensin restricciones. Estes llibertaes choquen dafechu col Software Propietariu o tamién conocíu como Software Privativu, nos que se priva a los usuarios de llibertaes básiques. Una vegada alquiríu'l software, sigui ensin ser tuyu. Nun tienes drechos sobro él, la llicencia que pagues, namás te permite'l so usu, y con restricciones bien fuertes: Imaxina que merques un coche, y la llicencia diz que puedes usalu, pero nun puedes tintar les llunes, o instalar un manos llibres sacantes que seya de la marca X, o emprestalu a un collaciu...
El Software Llibre sí te lo permite. Ta fechu por programadores que ponen el códigu a la to disposición y de la Comunidá. Nun ye restrictivu. Ye camudable, moldeable y axustable a les tos necesidaes. Ye tuyu dende'l primer día, y les posibilidaes qu'ufre son infinites.
Esa capacidá de lleer y camudar llegalmente'l códigu fonte de los programes permite adautar esi software polos y pa los propios usuarios, dende'l so aspeutu y funcionalidá, o como nel casu que nos interesa: la llingua.
Ubuntu ye un sistema operativu llibre completu que te permite facer cualesquier de les xeres más comunes con un ordenador. Dende escribir una carta, a falar colos tos collacios, sentir música, restolar per internet, retocar semeyes, editar video... tolo que puedas imaxinar, y too ello n'asturianu ;)
Ubuntu ye GNU/Linux y hai munchos más sistemes GNU/Linux (tamién n'asturianu), sicasí ye'l más fácil d'usar y configurar pa un usuariu común.
Tornar Ubuntu ye perfácil dende la plataforma Launchpad. Nun fae falta saber inglés. Namás que saber asturianu y tener ganes :)
Nesti manual tienes pasín a pasu como entamar a tornar. Nun te va llevar más de 1 minutu tar rexistráu, y puedes tornar cuanto quieras según el to tiempu (dende tornar 1 frase al añu o 100 al día...), naide te va esixir que tornes, sedrás tú quien decida qué, cuándo y cuánto tornar :)
Si tas interesáu en tornar otru tipu de proyeutos pues lo ideal ye que te pongas en contautu con nós pa poder guiate/aidate en cómo entamar con él. Tamién puedes acceder al llistáu completu de proyeutos en desendolcu, pa contautar col responsable.
El software que Softastur traduz al asturianu ye mui ampliu y siempre Llibre, poro ta disponible en sitios bien estremaos. Sicasí dende esta páxina vamos ufrite los principales sitios de descarga.
Ubuntu, productu estrella de Softastur, ye un sistema operativu completu que te permite facer cualesquier de les xeres más comunes con un ordenador. Dende escribir una carta, a falar colos tos collacios, sentir música, restolar per internet, retocar semeyes, editar video... tolo que puedas imaxinar.
Ubuntu en realidá ye una distribución del sistema GNU/Linux, sicasí recomendámoslo pola so facilidá d'usu.
Baxar Ubuntu
Edubuntu ye una derivación oficial de la distribución Linux Ubuntu, destinada pal so usu nel ámbitu escolar.
Edubuntu desendólcase en collaboración con docentes y teunólogos de múltiples países. Edubuntu construyóse sobro Ubuntu ya incorpora usos educativos específicos, con un oxetivu nidiu: la población ente los 6 y los 18 años.
Necesites instalalu sobro Ubuntu ;) Baxes la .iso, grábesla nun CD y metes el CD cuando tes executando Ubuntu ;)
Baxar Edubuntu
Softastur dispón tamién de los sos propios canales de distribución pa determinaos proyeutos. Nel llistáu que vien darréu amosamos les descargues más modernes.
Ubuntu_como_windows_xp.tar.gz (1.5 MB)
guetador_0.3-all.deb (18.0 KB)
Edubuntu 9.04
Firefox 3.0.8
Firefox 3.0.7
AbiWord 2.6.6
Firefox 3.0.6
Gnome Themes
Firefox 3.0.5
Firefox 3.0.3
Tux Paint 6 Abril 2008
Gnome 2.10
Hai munchos más proyeutos que tan traducidos al asturianu, puedes ver el llistáu completu equí.
Quiciabes la meyor forma de buscar aida a los tos problemes ye plantealos direutamente nos Foros de Softastur onde tola comunidá va aidate. Amás tamién vas poder buscar si'l to problema yá lu tuvo otru usuariu y si llogró solucionalu.
http://foros.softastur.org
Otra forma mui rápida de conseguir aida, sicasí dependes de la xente que tea coneutada nesi momentu. Tamos nes sales #softastur y #ubuntu-ast nel IRC de Freenode.
Recomendámoste usar un cliente IRC d'escritoriu comu XChat, sicasí puedes coneutate dende'l navegador directamente col formulariu que vien darréu.
Otra forma interesante pa conseguir información ye al travies de les propies esperiencies d'otros usuarios que plasmen en forma d'artículos en blogs temáticos.
