«
»

Cómo instalar Android n’asturianu

Esta ye una páxina desplicativa de la páxina oficial pa instalar Android. Pidímosvos paciencia, porque adulces van dir tando disponibles los distintos modelos de teléfonu.

 

El resume ye esti:

  1. Habilitar “Unknown Sources” (“Orígenes desconocidos” o “Fuentes desconocidas”, según la versión) nel nuesu móvil.
  2. Descargar l’aplicación “OneClick.apk” nel móvil
  3. Instalar l’aplicación “OneClick.apk” nel móvil
  4. Descargar un programa nel nuesu Ordenador (Windows Vista, 7 ó 8)
  5. Esfrutar

CÓMO FACEMOS ESTO:

Vamos a la páxina oficial: http://beta.download.cyanogenmod.org/install

Traducción:

** PUNTU 1 ** PERMITIR LA INSTALACIÓN DE CYANOGENMOD INSTALLER

Abrir “Ajustes“, y dir a la seición de Seguridad (en dalgunos preseos, pues necesitar dir a la seición Aplicaciones)

Localiza la opción Unknown sources  o Fuentes desconocidas o Orígenes desconocidos.

Si yá ta marcáu, pues saltar esti pasu. Sinón, márqueslu y aceutes el mensaxe emerxente 😉

**PUNTU 2** DESCARGA L’APLICACIÓN

Dende’l TELÉFONU MÓVIL o TABLET, visita la páxina:

http://get.cm

**PUNTU 3 ** INSTALA L’APLICACIÓN

Cuando se complete la descarga, abri les notificaciones y fai click en OneClick.apk.

Toca “Instalar” pa instalar la app

Cuando acabe d’instalar, fai click en “Abrir”

Sigui les instrucciones nel to móvil pa continuar col procesu d’instalación.

** PUNTU 4 ** DESCARGAR PROGRAMA NEL ORDENADOR

Abri’l to PC. (Windows Vista, 7 o 8) y

descarga esti programa

Cuando tea descargáu, executa esi programa y sigui les instrucciones.

**PUNTU 5 ** ¡¡¡ESFRUTA!!!

nota: La llista de teléfonos compatibles pal installer OneClick ye esta:

http://wiki.cyanogenmod.org/w/CyanogenMod_Installer#Supported_Devices

De toes formes, el programa deteuta automáticamente’l to modelu y dizte si tien sofitu o non. Recomendámosvos paciencia, porque dende’l momentu de la Presentación oficial hasta la entrada en funcionamientu de tolos teléfonos, aínda puen pasar unes selmanes. Poco a poco vais poder dir instalando los vuestros modelos de móvil. Gracies.

 

Esti artículu espublizóse'l 26 de xunu de 2014 a les 23:41 y ta guardáu en Android.
Puedes tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.

42 comentarios al rodiu de “Cómo instalar Android n’asturianu”

  1. Xuan de la borrina diz:
    27 de Xunu, 2014 - 01:20

    No se a quien le valdra pero menuda forma de instalar nada. Yo baje todos esos programas que poneis hay que pa encima vien todo en ingles y ni me dice si mi telefono es compatible, no me instalan, ni me hacen nada, en fin.

  2. enolp diz:
    27 de Xunu, 2014 - 02:53

    Pues dicimos el modelu de móvil que tienes.

    Un saludu.

  3. Antonio diz:
    27 de Xunu, 2014 - 01:57

    hola:
    Yo segui todos los pasos e instale el programa pero ahora no se donde tengo que ir una vez instaldo todo a cambiar el idioma para el asturianu pues en la lista de idiomas no me sale. Un saludo

  4. enolp diz:
    27 de Xunu, 2014 - 02:41

    ¿Pues dicimos el modelu de móvil qué tienes? Davezu un modelu vieyu d’un móvil pue ser abondo pa nun tener la cabera versión de Cyanogen, y polo tanto, nun poder esfrutar del sistema en llingua asturiana.

    Un saludu candial.

  5. Adrián diz:
    27 de Xunu, 2014 - 03:34

    No deja instalarlo, toda la parte que se lleva a cabo con el móvil genial, pero en cuanto se llega a los pasos del pc, no hay manera de que la instalación tire para adelante

  6. enolp diz:
    27 de Xunu, 2014 - 03:37

    ¿Pues dicimos el fallu que t’amuesa?

    Un saludu candial.

  7. candamu diz:
    27 de Xunu, 2014 - 08:16

    GRACIES!! ya pude poner el míu y el de la moza n’asturianu. Sois unos grandes! Ánimu y a siguir

  8. Adrián diz:
    27 de Xunu, 2014 - 10:19

    ¿Hay que formatear el telefono antes o se formatea durante la descarga?

  9. violeta diz:
    27 de Xunu, 2014 - 10:28

    dame fallu’l programa al abrilu nel movil diz qu’hebo error y forzar cierre. Ye un samsung galaxy mini

  10. David diz:
    27 de Xunu, 2014 - 10:39

    El teléfonu formatéalu demientres la instalación.
    Asina que meyor guarda enantes los tos archivos personales.

    Recordai qu’hai teléfonos que nun son compatibles AINDA col sistema, pocu a pocu irá creciendo.

  11. Adrián diz:
    27 de Xunu, 2014 - 12:30

    Tengo un SIII y cuando ya se esta instalando el sistema en el movil, me aparece una pantalla en el ordenador donde me dice que cambie el USB o el puerto, pero aún haciendo lo que me manda, sigue saliendo ese aviso. Un saludo

  12. Antonio diz:
    27 de Xunu, 2014 - 13:09

    yo tengo un s4 lo instalo todo pero no me sale en el idioma el asturianu eso si saleme un millón de idiomas árabes y chinos.

  13. Denis diz:
    27 de Xunu, 2014 - 13:19

    Tengo un Samsung Galaxy Young y dizme que “your device is not supported by this installer” (vamos, que nun ye compatible). Derívame a una páxina onde tengo de buscar el mio modelu (que nun apaez). ¿Hai solución?

  14. paparresolla diz:
    27 de Xunu, 2014 - 15:18

    Tenéi paciencia… Ayeri foi la presentación oficial. Hai dalgunos modelos que yá puen instalase de mou automáticu, talo y como se vio na presentación ayeri mesmo. El motivu de la mesma yera pa que se viese lo cenciello que ye. Pocu a pocu, la comunidá va dir habilitando más modelos. Daivos cuenta que somos la última llingua n’entrar nel sistema, y tienen que dir implementándolo. Dempués de 2 años, nun ye muncho esperar 😉

    Vais poder instalalu toos, tranquilos.

    Gracies.

  15. Los usuarios d’Android yá disponen de sistema operativu n’asturianu | Tierra alantre, la mesma fala diz:
    27 de Xunu, 2014 - 18:30

    […] ENLLAZ: Cómo instalar Android n’asturianu […]

  16. Antonio diz:
    27 de Xunu, 2014 - 20:30

    Pero para el s4 no esta disponible todavia

  17. Adrian diz:
    30 de Xunu, 2014 - 18:19

    Tengo todo instalado, pero asturiano no está entre los idiomas disponibles, tengo un galaxy sIII

  18. paparresolla diz:
    30 de Xunu, 2014 - 22:14

    Adrián: si nun m’equivoco, el Galaxy S3 tovía nun recibió l’últimu paquete de llingua. ( http://noticies.softastur.org/primeros-telefonos-en-recibir-los-paquetes-de-llingua-ast.html ).

    Si toi no cierto, en Ajustes-> Idioma y métodos de introducción->Idioma, podrás ver el famosu códigu es_XA (Español (XA)). Si lu tienes, ponlu, y empezarás a ver dalgunes coses n’asturianu. El casu ye que actualizaráse el S3 col últimu paquete, y cuando eso asoceda, tendráslu al 100%. Ye posible que tengas que repitir el procesu de instalación, pero yá visti que ye fácil. 😉

  19. Gabriel diz:
    19 de Xunetu, 2014 - 20:28

    A mi nun me furrula esto eh. A la hora conectar el móvil al ordenaor, nun reconoz nada. Dizme que ta buscando dispositivu pero nun atopa nada. y al cachu dizme que si toi ahí, que si nun teo la aplicación nel móvil que la instale y tal y cual. Y nun furrula.

  20. Gabriel diz:
    19 de Xunetu, 2014 - 20:29

    Por ciertu, el mi teléfonu ye un galaxy s III mini.

  21. Xuacu diz:
    26 de Xunetu, 2014 - 00:57

    Bones, Gabriel.
    Cyanogenmod (inda) nun tien sofitu pal S III Mini. Tocarános esperar por ello 🙁

  22. Trasgu diz:
    12 de Setiembre, 2014 - 10:48

    El miu ye Huawei.
    Pue ponese n’ast?

  23. petermc diz:
    21 de Setiembre, 2014 - 12:33

    Sin Windows vista, 7 u 8 nun se puede instalar??

    Y aunque lo tuviera, como se hace pa conectarlo con el móvil?

  24. paparresolla diz:
    21 de Setiembre, 2014 - 15:01

    Petermc: conéutase con un cable usb PC—>tfnu

  25. JollyRoyer diz:
    6 de Ochobre, 2014 - 20:05

    El mio ye un teléfonu chino, voi probalo y cúntovos si funciona. Saludos.

  26. Trasgu diz:
    27 de Ochobre, 2014 - 15:55

    Tengo un samsung galaxy grand neo.
    Nesti teléfonu puedo instalar Android n’asturianu?

  27. paparresolla diz:
    27 de Ochobre, 2014 - 17:28

    Nestos momentos nun hai versión pa él, pero creo que vas tener suerte porque paez ser que Cyanogenmod ta trabayando xusto estes selmanes nuna versión pal Samsung Galaxy Grand Neo (i9060)

    http://forum.cyanogenmod.org/topic/94515-request-cm-for-samsung-galaxy-grand-neo-gt-i9060/page__st__20

    Agora mesmo tán falando de que va ser cosa d’unes díes. Yo nun podría confirmate eso.

  28. griaskasturiana diz:
    30 de Ochobre, 2014 - 18:26

    anda en samsung galaxy s3 mini?

  29. Xabel diz:
    16 de Marzu, 2015 - 03:15

    Bones. Yo tengo un MyWigo Excite III y dizme “Dispositivo no soportado”. Dame la opción de “continuar igualmente” pero avisame que va formatear el movil y camudame de sistema operativu ya que posible que quede inutil el movil asina que dexelu. ¿Qué me recomendáis?

  30. enolp diz:
    16 de Marzu, 2015 - 16:41

    Hola Xabel.

    Sentimos dicite que móviles con procesador Mediatek, como’l de to, nun son compatibles con CyanogenMod.

    Un saludu.

  31. Diego diz:
    8 de Setiembre, 2015 - 11:49

    Yo tengo un sony xperia m con Android 4.3 y nun fui quien a descargalu

  32. enolp diz:
    22 de Setiembre, 2015 - 12:45

    Cúntamos que pasos siguisti, como lo ficisti o que problemas tuvisti p’ayudate meyor.

    Un saludu.

  33. Amanita diz:
    8 de Ochobre, 2015 - 12:22

    Instalar la room en https://download.cyanogenmod.org/ buscando vuestro modelo de terminal. Es un software libre, y tienes con ello que hacerte un rooteado del móvil y es un poco complejo y puede dar fallos. Importante es tener una copia de la carpeta EFS ( /sdcard/external_sd) del móvil.

  34. Xuanin diz:
    12 de Xineru, 2016 - 10:39

    Bonas;

    Podrá ponesi nun Nexus 5? Agora tien 6.0.1 pero falla.

    Salú

  35. enolp diz:
    13 de Xineru, 2016 - 00:00

    Hola Xuanín,

    (AVISU: ¡Enantes de facer nada, llei tol mensaxe primero!)

    Cuido qu’enxamás nun instalares una ROM personalizada nel to móvil, poro esti tutorial pequeñu va entamar dende’l desbloquéu del cargador d’arranque (bootloader). Tamién dicite qu’estes instrucciones tán empobinaes a Ubuntu darréu que nun mos dixeres qué sistema operativu uses. Y por último, esti procedimientu d’instalación desplicáu embaxo faeslu so la to propia responsabilidá, nin yo nin Softastur se fai cargu de los daños que-y puean asoceder el teléfonu magar que práuticamente nun esista dengún. Asina pues, entamamos:

    1º- Tresnáu. Abri una terminal, pa ello calques nel botón col iconu d’Ubuntu y teclexes “Terminal” ensin les comines.

    2º- Instalación de programes necesarios. Copia y apiega esti comandu (ensin les comines) que dempués d’executalu va pidite la to contraseña d’usuariu pa instalar los ficheros riquíos pa esta instalación:

    “bash <(curl -s https://raw.githubusercontent.com/corbindavenport/nexus-tools/master/install.sh)”;

    3º- Desbloquéu del cargador d'arranque (bootloader). Pa ello tienes d'apertar nel to móvil el botón de baxar volume al mesmu tiempu que caltienes primíu'l botón de prender. Darréu, coneutes el móvil al ordenador y teclexes ensin les comines "fastboot oem unlock"

    4º- Confirmación de desbloquéu del cargador d'arranque (bootloader), (enantes de siguir, teo de dicite que desbloquiar el cargador d'arranque desaniciará tolos tos datos d'usuariu del teléfonu y quitaráte la garantía del teléfonu, asina que vas tener de facer una copia de seguranza de tolos tos ficheros y contautos que tengas nel to móvil). Apierta'l botón de xubir y baxar volume pa escoyer les opciones que t'amuesa'l móvil y primi'l botón de prendíu pa esbillar una d'elles.

    5º- Reaniciu al cargador d'arranque (bootloader). Introduz na mesma terminal d'enantes y ensin les comines "fastboot reboot"

    6º- Reaniciu d'Android. Dexa qu'Android complete'l so arranque y llueu pon de nueves el móvil en mou fastboot. Recuerda: Col móvil apagáu y desconeutáu del PC apierta'l botón baxar volume al mesmu tiempu que caltienes primíu'l de prendíu.

    7º- Instalación d'un recovery. Por defeutu'l móvil vien con un recovery pero nun mos sirve, poro hai qu'instalar ún de terceres partes. Col móvil enchufáu al PC, baxa d'equí'l ficheru img del recovery https://dl.twrp.me/hammerhead/twrp-2.8.7.1-hammerhead.img y na mesma terminal d'enantes teclexes ensin les comines "fastboot flash recovery", llueu apiertes la tecla d'espaciu y dende'l direutoriu de descargues, arrastres el ficheru img del recovery a la terminal. Al finar, calca la tecla Enter

    8º- Execución del recovery. Apierta los botónes de xubir y baxar volume pa escoyer la opción "Recovery mode" nun recuadru que ta no cimero de la pantalla y primi la tecla de prendíu pa esbillala.

    9º Instalación de CyanogenMod. Baxa'l zip de la ROM d'equí: https://download.cyanogenmod.org/?device=hammerhead ,calca col deu na pantalla la opción "Wipe" llueu "Advanced Wipe" y dempués conseña tolos caxellos. Al finar, esliza la bola azul a la drecha. Darréu, calca en "Back" y dempués vete p'atrás fasta'l menú con toles opciones cola flecha qu'hai na esquina baxera drecha. Por último, calca en "Advanced" llueu "ADB Sideload" y dempués esliza la bola azul a la drecha.

    Agora escribi na mesma terminal d'enantes y ensin les comines "adb sideload", dempués apierta la tecla d'espaciu y arrastra'l zip de la ROM a la terminal, al finar calques la tecla enter.

    10º- Instalación de les GAPPS. Les GAPPS son les aplicaciones privatives de Google que CyanogenMod nun pue incluyir na so ROM por motivos de copyright, poro tienes de baxales. Pa ello vete a esta páxina http://opengapps.org/ y escueyi les opciones "6.0" y "pico", llueu calques nel botón colloráu pa baxar el paquete. Cuando fine la descarga, faes lo mesmo que'l pasu anterior pero col zip de les GAPPS. Cuando fine'l procesu calques en "Reboot System" y yá podrás esfrutar del to móvil con CyanogenMod n'asturianu.

    Si tienes cualesquier dubia o problema nun duldes n'entrugamos.

    Un saludu candial.

  36. Javi diz:
    10 de Agostu, 2016 - 21:54

    No consigo instalarlo, salen muchas opciones en la pagina de CyanogenMod y no se si cual hay que bajarse despues para el samsung galaxi S4 I9595 no se cual de todos los modelos que dice es C- espire Sprint non LTE……etc

    Luego al bajar la parte del pc me dice que hay una nueva versión, que no consigo que aparezca

  37. Diego diz:
    6 de Abril, 2017 - 09:58

    Bonos díis. Nun sé si mi podéis esclariar duldes que teo. Quiero mercar un Smartphone, y toi viendo que dalgunos como l’iPhone y Xiaomi Mi5 tienen la opción de poner l’asturianu como l’idioma predetermináu. Ye entós que nun se precisa de ponéi la ROM esta al Xiaomi? Tuvi probando un Moto g5 y Huawei p10 y nun tienen opción d’asturianu. Nun sé bien por qué unes marques si, y otres non. Buenu, un saludu

  38. Dangerous Piper diz:
    6 de Abril, 2017 - 12:02

    Que puedas esbillar l’idioma predetermináu nun quier dicir que te traducíu. iPhone nun ta, y nunca va tar n’asturianu, el so sistema ye privativu (códigu zarráu) y nun podemos traducilu. Tolos Android 5 y superiores sofiten l’asturianu, pero inda nun tienen les tornes, el procesu ye llargu y complexu y seguimos aneciando pa conseguir tar n’Android Open Source Project que ye el proyeuto d’onde beben toles marques. Sicasí, estes suelen facer versiones propies y munches eliminen llingües por cuestiones polítiques o por mercaos onde se venda.
    Dientro del mundu Android hai sistemes personalizaos, distribuciones, como en GNU/Linux y la que tien les traducciones n’asturianu ye LineageOS http://lineageos.org/ (enantes conocida como CyanogenMod). Esta distro requier instalación.
    Dalgunos preseos traíen de fábrica CyanogenOS y son los únicos (xunto col abandonáu Ubuntu Phone) que traen l’asturianu de fábrica, nun sé si ye’l casu del Xiaomi mi5…

    Ye un poco complicáu esplicalo nun comentariu, pero espero que sirva l’aclaración. Como ves inda nos queda trabayu por facer y son yá unos cuantos años que tamos detrás pero los problemes técnicos pal asturianu son mayores que pa otres llingües… pasín a pasu 😉

  39. Xandru diz:
    24 de Payares, 2017 - 00:08

    Buenes,
    Cómo va’l proyeutu? El mio movil acaba d’actualizáseme y camentaba si ye posible ponelu n’Asturianu. Ye un BQ Aquaris X5 plus, con sistema Android 7.1.1, o eso pon nos axustes. Namás quería saber si ye posible y tamién como facelu, porque los enllaces anteriores nun deben tar activos. Un favor. Mirai ver si sois quien a desplicalu pa xente, como un servidor, que nun te avezada a términos teúnicos y si tenéis que desplicalu con pallabros facei un resumen pa illetraos como yo.
    Munches gracies y ánimu. Que nun paren aniciatives guapes como esta.
    Un saludu.

  40. Dangerous Piper diz:
    24 de Payares, 2017 - 11:03

    Esti artículu ye vieyu. El proyeutu CianogenMod yá nun esiste sicasí tien un sucesor nomáu LineageOS, ta n’asturianu y soporta el to teléfonu. El procesu d’instalar un sistema operativu nun móvil requier unos conocimientos mínimos y ye delicáu.
    Equí tienes les instrucciones pal to teléfonu (n’inglés): https://wiki.lineageos.org/devices/gohan/install
    Y equí les descargues del sistema pal to teléfonu: https://download.lineageos.org/gohan
    Si nun tas seguru de ser a facelu puedes pidilu a dalgún collaciu o contautar per corréu con nós http://softastur.org/contautu.php?destin=1 pa ver si dalguien puede ayudate (indica en que conceyu vives por si dalguien pudiere quedar contigo).

  41. Limiagu diz:
    22 de Xineru, 2019 - 14:25

    Nun soi quien a atopar l’asturiano en la mio instalación de Lineage 15.1
    Calco en “Sistema\Idiomas e introducción de texto\Idiomas\preferencias de idioma\añadir un idioma” pero l’asturiano nun s’alcontra ehí.

  42. Dangerous Piper diz:
    23 de Xineru, 2019 - 21:27

    Desgraciadamente la versión 15.1 nun tien disponible l’asturianu, nun llegamos a completar toles traducciones. Hai compañeros trabayando n’ello pero nun tenemos una fecha pa saber cuando va tar disponible. Perdona el retrasu, xestionamos munchos proyeutos y les manes son poques 😉